સામે દેખાતું આ રાતા પીળાં રંગનું આકાશ ને એમાં રચાતી આકૃતિઓ!
આકૃતિઓ? હા ..એ ભગવાનના દેખાતાં ચહેરા તો ક્યારેક તેની સામે જ ટાંક્યા કરીએ તો બદલાતો લપાતો છુપાતો દેખાતો આપણા પ્રિયતમાનો ચહેરો! કેવું વિશિષ્ટ સર્જન હશે! કોઈને કહ્યા વગર આંખ સામે તરી આવે ને આપણા સિવાય સમજાઈ જ કોને?વર્ચુયલ દુનિયાના આ જમાનામાં રચાતું સર્વશ્રેષ્ઠ મુદ્રાઓનું મનમોહક અદામાં થતું પ્રદર્શન! હવે આ બધું આપણા વિચારોમાં હોય કે ઉપરવાળાના વિચારોમાં આપણે? પ્રશ્ન રોચક છે. મિત્રોને વાત કરતા જણાયું છે કે બધા સાથે આવું થઈ જાય છે. આમાં મુદ્દો એ છે કે એને દેખાયેલા હનુમાન ને મૈં જોયેલા શિવ અમને એકબીજાને દેખાણા નથી. બની શકે એના હનુમાન એ મારા શિવ હોય! હા...કોઈકના માટે સારું એ આપણી ઈચ્છા વિરુદ્ધ હોય શકે! તો કોઈકની નાપસંદ આપણી પસન્દગી શુંકામ ના હોય! સમજો તો આકાશ એક કટકામાં પૂરું બાકી અનંત! ઈચ્છાનું પણ આવું જ છે. ધરાઈ જાઓ તો આજે પુરી બાકી અગણિત! બંધ મુઠ્ઠીના એ અનંત આકાશમાં કેટકેટલું શીખવા મળે છે. મારી મનપસંદ અવસ્થા જ્યારે મુશ્કેલી હોય ત્યારે પણ ઉપર જોવાનું ને આનંદ થાય તો પણ આભારવિધી કરવા જોવાનું તો ઉપર જ! એ રંગો બદલતાં ને પાણીની જેમ થોડાંકમાં સમાય જતા અનંત લંબાઈના આકાશનો અનુભવ બધાને થયો હશે. વાક્યો પણ વિરોધાભાસ સર્જે છે એવુ લાગશે પણ દરેક મનુષ્યનો વાદળો પ્રત્યેનો અભિગમ પણ ક્યાં એક છે! ઉદાહરણમાં તો વિમાનો શ્રેષ્ઠ છે. ના કંઈ દેખાય ના કોઈ સર્જાય! તો પણ કહે વાદળોમાંથી અમે પસાર થયા. માણસોનો સમય નક્કી કરે છે કે તેઓ વાદળમાંથી પસાર થશે કે વાદળમાં સર્જન થશે એ તેમનામાંથી પસાર થશે. બંનેનો અનુભવ રોચક છે (હશે.)
#sabdnisafar ;-)
No comments:
Post a Comment